მძიმე კადრები - სანკტ-პეტერბურგში სპორტული კომპლექსის სახურავი ჩამოინგრა და ადამიანი მოიყოლა - პალიტრა ვიდეო

რუსეთის ქალაქ სანკტ-პეტერბურგში სპორტული კომპლექსის სახურავის ჩამონგრევას 1 ადამიანი ემსხვერპლა. ამ ინფორმაციას BBC ავრცელებს. შენობის სახურავის ჩამონგრევა სარესტავრაციო სამუშაოების მიმდინარეობის დროს მოხდა, რა დროსაც ტერიტორიაზე 4 მუშა იმყოფებოდა. ინციდენტს 1 მუშის სიცოცხლე ემსხვერპლა, რომელიც შენობის სახურავზე დაზიანებულ მეტალის კაბელებს ჭრიდა. როგორც ცნობილია, სპორტული კომპლექსი საბჭოთა კავშირის დროს 1980-იან წლებში ააშენეს. მას შემდეგ შენობის რესტავრაცია არ მომხდარა. სპორტულ კომპლექსში 2023 წელს ჰოკეის მსოფლიოს ჩემპიონატი უნდა ჩატარებულიყო, რის გამოც აქ შენობის სარესტავრაციო სამუშაოები მიმდინარეობდა.