"არ ვიცი, სხვა პრეზიდენტები ამას გაუძლებდნენ თუ არა" - ტრამპის მკაცრი გამოსვლა მას შემდეგ, რაც სენატმა მისი იმპიჩმენტი არ დაამტკიცა - პალიტრა ვიდეო

მას შემდეგ, რაც სენატმა ტრამპის იმპიჩმენტი არ დაამტკიცა, აშშ-ის პრეზიდენტმა ბრიფინგი გამართა, სადაც იმპიჩმენტის პროცედურაზე ისაუბრა და "დემოკრატები" მწვავედ გააკრიტიკა.

"ეს იყო ბოროტება. ესენი იყვნენ ჩამშვებები და მატყუარები. ეს სხვა პრეზიდენტს არასდროს, არასდროს უნდა დაემართოს. არ ვიცი, სხვა პრეზიდენტები ამას გაუძლებდნენ თუ არა. ზოგმა თქვა, რომ - ვერ... უზნეო პოლიციელები, საშინელი ხალხი. ეს რომ პრეზიდენტ ობამას დამართნოდა, ძალიან ბევრი ადამიანი ძალიან ბევრი წელი ციხეში იქნებოდა", - განაცხადა ტრამპმა.

პრეზიდენტმა სიტყვით გამოსვლის დროს ოპოზიციონერები მკაცრად გააკრიტიკა.