ისრაელის პრეზიდენტის გულისამაჩუყებელი ჟესტი სახლებში გამოკეტილი ბავშვებისა და მშობლების მიმართ - მან ზღაპრების კითხვა დაიწყო - პალიტრა ვიდეო

ისრაელის პრეზიდენტმა რუვენ რივლინმა ბავშვებისთვის, რომლებიც სახელმწიფოს მიერ გამოცხადებულ სავალდებულო კარანტინში იმყოფებიან, ზღაპარი წაიკითხა. 
პრეზიდენტმა ბავშვებისთვის წაიკითხა ლეა გოლდბერგის ებრაული წიგნი, სახელწოდებით "Dira Lehaskir" ("ქირავდება ოთახი").
პრეზიდენტმა ამ ჟესტით დახმარების ხელი გაუწოდა მშობლებს, რომელთაც თვითიზოლაციის გამო მთელი დღე უწევთ სახლში ბავშვების მოვლა. ეს ერთგვარი "მოკლე შესვენებაა" მათთვის.
პრეზიდენტმა ზღაპრის წაკითხვის შემდეგი ეპიზოდიც დააანონსა. ის მომდევნო კვირაში სოციალური ქსელების არხებზე გამოქვეყნდება.