პუტინი კორონავირუსით ინფიცირებულებთან შევიდა - პალიტრა ვიდეო

პუტინი კორონავირუსით ინფიცირებულებთან სპეციალური ეკიპირებით შევიდა. რუსეთის პრეზიდენტმა ის პაციენტები მოინახულა, რომლებიც მოსკოვის #40 საავადმყოფოში არიან მოთავსებული. პუტინთან საუბარში საავადმყოფოს მთავარმა ექიმმა დენის პროცენკომ განაცხადა, რომ რუსეთი პანდემიისთვის უნდა მოემზადოს. მე, როგორც ექიმი ანესთეზიოლოფ-რეანიმატოლოგი ვთვლი, რომ საჭიროა მზად ვიყოთ იტალიური სცენარისთვისაც, - აღნიშნა ექიმმა. პროცენკოს აზრით, მოსკოვში პროცესები ზუსტად იტალიური სცენარით წავა, მაგრამ მიუხედავად იმისა, თუ მოვლენები ე.წ. აზიური ანუ ჩინური სცენარით განვითარდება, ანუ ეპიდემია აპრილ-მაისისთვის უკან დახევას დაიწყებს, ქვეყანა მაინც ყველაზე მძიმე სცენარისთვის უნდა იყონ მზად.

რუსეთის პრეზიდენტმა პაციენტები მოინახულა და გაწეული შრომისთვის ექიმები შეაქო. მისი აზრით, მათი გამოჯანმრთელებისთვის ყველა პირობაა შექმნილი. მოსკოვის #40 საავადმყოფოში ამჟამად კორონავირუსით ინფიცირებული 412 პაციენტი მკურნალობს.