რა ფორმით აღადგინა მუშაობა ნიდერლანდებში ერთ-ერთმა ყველაზე ცნობილმა ღამის კლუბმა - ცეკვა სკამზე, 20-წუთიანი სეტები და გართობა შუადღით, ღამის ნაცვლად
შაბათს ნიდერლანდებში არსებულ ერთ-ერთ ცნობილ ღამის კლუბში, Doornroosje-ში მისულ სტუმრებს უჩვეულოდ მოწყობილი სივრცე დახვდათ. Reuters-ის ინფორმაციით, სტუმრები აუცილებლად უნდა ისხდნენ სკამებზე, სოციალური დისტანციის დაცვით. კლუბში მხოლოდ 30 ადამიანია დაშვებული, თუმცა, იმედოვნებენ, რომ მოგვიანებით 100-მდე გაზრდიან სტუმრების ლიმიტს. ადგილობრივი დიჯეები კი Reuters-თან საუბრისას გახარებულები არიან, რადგან მათ მიეცათ დაკვრის შესაძლებლობა.