loader

"მითხრეს, რომ იმუნური ვარ, ბიჭებსაც ვაკოცებ და გოგონებსაც" - გამოჯანმრთელებული დონალდ ტრამპი - პალიტრა ვიდეო

მთავარი ყველა ვიდეო საავტორო ტექნოლოგიები ახალი ამბები საზოგადოება შოუბიზნესი მოზაიკა სპორტი ვიდეოგაკვეთილები მსოფლიო მნიშვნელოვანი ინფორმაცია PALITRANEWS სხვადასხვა

"მითხრეს, რომ იმუნური ვარ, ბიჭებსაც ვაკოცებ და გოგონებსაც" - გამოჯანმრთელებული დონალდ ტრამპი

აშშ-ის პრეზიდენტი დონალდ ტრამპი წინასაარჩევნო კამპანიის ფარგლებში ამომრჩეველთან სანფორდში, ფლორიდის შტატში, შეხვედრას მართავს, - ამის შესახებ ინფორმაციას BBC-ი ავრცელებს.

გამოცემის ცნობით, დონალდ ტრამპთან შესახვედრად ათასობით ადამიანი შეიკრიბა.

„მათ მითხრეს, რომ იმუნური ვარ. თავს ძლიერად ვგრძნობ. ყველას ვაკოცებ, ბიჭებსაც და ლამაზ ქალბატონებსაც. ყველას დიდ და მსუყე კოცნას გაჩუქებთ“, - მიმართა შეკრებილებს დონალდ ტრამპმა, რომელსაც ორ კვირაზე ნაკლები დროის წინ კორონავირუსი დაუდასტურდა.

BBC-ი წერს, რომ Real Clear Politics-ის მიერ ჩატარებული გამოკითხვის თანახმად, პრეზიდენტობის „დემოკრატი“ კანდიდატი ჯო ბაიდენი დონალდ ტრამპს, მთელი ქვეყნის მასშტაბით, თითქმის 10 პროცენტით უსწრებს, თუმცა ეს სხვაობა ზოგიერთ მნიშვნელოვან შტატში ნაკლებია. მაგალითად, ფლორიდაში, რომელსაც საპრეზიდენტო არჩევნებში გამარჯვების მოსაპოვებლად, გადამწყვეტი მნიშვნელობა აქვს. ბაიდენს 3.7 პროცენტით მეტი პოტენციური ამომრჩეველი უჭერს მხარს, ვიდრე დონალდ ტრამპს.