X
თურქეთმა სირიაზე წერტილოვანი დარტყმები განახორციელა - დაღუპულია 5 ადამიანი
12:20 / 04-10-2012
სირიული მხარის მიერ განხორციელებული შეტევის საპასუხოდ, თურქეთმა სირიის სამხედრო ბაზა იდლიბზე წერტილოვანი დარტყმები განახორციელა. შედეგად 5 ადამიანი, მათ შორის 4 ბავშვი დაიღუპა.

წინა დღით სირიის ტერიტორიიდან ნასროლმა ჭურვმა სასაზღვრო ქალაქ აქსაკალეში 5 ადამიანი, მათ შორის, ერთი ბავშვი იმსხვერპლა, რამდენიმე კი მძიმედ დაიჭრა.

თურქულმა მხარემ აღნიშნა, რომ მისმა სამხედრო ძალებმა დაუყოვნებლივ მოახდინეს რეაგირება თავდასხმაზე და სირიის მმართველი რეჟიმი თურქეთის ეროვნული უსაფრთხოების ხელყოფაში ამხილეს.

"ეს წარმოადგენს თურქეთის ტერიტორიაზე თავდასხმას, რის შედეგადაც დაიღუპნენ თურქეთის მოქალაქეები - განაცხადა პრემიერ-მინისტრის მოადგილემ ბულენტ არიჩმა - საერთაშორისო სამართლის მიხედვით, ჩვენ ყველანაირი უფლება გვაქვს, თავდასხმას ჯეროვნად ვუპასუხოთ".

თურქული მხარე საერთაშორისო პარტნიორებს მოუწოდებს, აქტიური ზომები მიიღონ. ნატომ უკვე ოფიციალურად დააფიქსირა, რომ სოლიდარობას უცხადებს ანკარას, ხოლო გაეროს უშიშროების საბჭოს ანალოგიური შინაარსის განცხადება, სავარაუდოდ, დღეს გამოქვეყნდება.
ბოლო სიახლეები
Autoplay
პოპულარული
ყველაფერი, რაც ერაყში განადგურებულ ამერიკულ ბაზაზე ვიცით, რომელსაც ირანმა დაარტყა და რა რეაქციები გამოიწვია მომხდარმა მსოფლიო ლიდერებში
ირანელი რეჟისორების ექვსი კინოშედევრი, რომლებიც მათ ქვეყანასა და ხალხს სხვა კუთხიდან გაგაცნობთ
2020 წლის 3 იანვარს ირანელი გენერალ-მაიორის ესკორტს საჰაერო დარტყმა მიაყენა