X
ვლადიმერ პუტინი მსოფლიოში ყველაზე გავლენიანი ადამიანების სიაში ლიდერობს
12:23 / 04-01-2013
რუსეთის პრეზიდენტმა ვლადიმერ პუტინმა ყველაზე გავლენიანი ადამიანების სიაში მეორე ადგილი დაიკავა. რუსული მედიის ინფორმაციით, რეიტინგი ჟურნალმა Foreign Policy-მ გამოაქვეყნა.

რეიტინგის შედგენის დროს ყურადღება გამახვილდა გადაწყვეტილების ერთპიროვნულად მიღების უნარზე, ასევე, ხალხის კეთილდღეობის გაუმჯობესებაზე.
რეიტინგს ახლავს კომენტარებიც, სადაც პუტინზე ნათქვამია, რომ "მართალია, ის ახლა არც ისეთი პოპულარულია, როგორსაც შეჩვეულია, მისი ქვეყანაც არ ფლობს ისეთ გავლენას, როგორც საბჭოთა კავშირს ჰქონდა, თუმცა მსოფლიოში არავის მოუხერხებია ხელში აეღო როგორც ადგილობრივი, ასევე რეგიონული მმართველობა, როგორც ეს პუტინმა მოახერხა".

აღსანიშნავია, რომ რეიტინგის პირველი ადგილი ვაკანტური დარჩა და სიას პირველი ნომერი არ ჰყავს. "გმირების გარეშე მყოფ მსოფლიოში ჯერ კიდევ ელოდებიან ადამიანს, რომელიც თავის თავზე აიღებს ყველა რთული და საშიში პრობლემის გადაჭრას", - აღნიშნავენ რეიტინგის ავტორები, რომლებიც მიიჩნევენ, რომ ლიდერები, რომლებიც რეიტინგში მოხვდნენ, მხოლოდ ადგილობრივი და რეგიონალური პრობლემების მოგვარებით არიან დაკავებულები. 

მესამე ადგილზე ამერიკის შეერთებული შტატების ფედერალური სარეზერვო სისტემის პრეზიდენტი ბენუ ბერნანკე დასახელდა. მეოთხე და მეხუთე ადგილები კი გერმანიის კანცლერმა ანგელა მერკელმა და აშშ-ის პრეზიდენტმა ბარაქ ობამამ გადაინაწილეს. შემდეგ მოდიან: ევროპის ცენტრალური ბანკის მმართველი მარიო დრაგი და ჩინეთის ახალი ლიდერი სი ცზინპინი.

მერვე ადგილზე დასახელდა ირანის სულიერი ლიდერი აიათოლა ალი ჰამენეი, ხოლო მეცხრე ადგილზე - საერთაშორისო სავალუტო ფონდის ხელმძღვანელი კრისტინ ლაგარდი. Foreign Policy-ს ათეულს საუდის არაბეთის მეფე-აბდულა იბნ აბდელს აზიზი ასრულებს.
ბოლო სიახლეები
Autoplay
პოპულარული
რა ინციდენტი შეემთხვა გუშინ გია სურამელაშვილს რესტორანში - რას ამბობს მომღერლის პროდიუსერი და რას აცხადებენ შსს-ში
არქეოლოგებმა ჩვ. წ. აღ-მდე XV-XIV საუკუნეების სამარხი და ადამიანის ნეშტი აღმოაჩინეს
3 წლის გაუჩინარებული გოგონას საქმეს 13 წლის შემდეგ ახალი ეჭვმიტანილი ჰყავს - ბრიტანეთში მომხდარი ტრაგედია, რომელზეც სერიალიც კი შექმნეს
"5 თვეა ვეძებ შვილს და ვერ ვპოულობ" - ფოთში დაკარგული 31 წლის ირაკლი ჯაბუას ოჯახი დახმარებას ითხოვს
"ნეტა, გადამეღო ყველაფერი" - ექსკლუზიური ინტერვიუ ფოტოგრაფთან, რომელმაც 19 წლის გიორგი შაქარაშვილი ბოლოს ნახა
პუტინის ქალიშვილების 7 უცნობი ფოტო, რომლებიც რუსეთიდან გაქცეულმა ბანკირმა  გაასაჯაროვა
გიორგი გახარიას რეაქცია, როცა პარლამენტში პრემიერის სიტყვით გამოსვლამდე ხმაური იყო - "ათქმევინე, რა"
"ლაწირაკო, უზრდელო, მაიმუნო!" - სიტყვიერი და ფიზიკური დაპირისპირება „ნაციონალური მოძრაობის“ პოლიტსაბჭოს წევრსა და აქტივისტს შორის