"მის ისრაელი" და ბარაკ ობამა იერუსალიმში ერთად ისადილებენ
"მის ისრაელი", წარმოშობით ეთიოპიელი 22 წლის გოგონა, პირველი შავკანიანია, რომელსაც ოდესმე "მის ისრაელის" წოდება მიუღია. ამის გამო იგი 120 სხვა სტუმართან ერთად დაესწრება ბარაკ ობამას საპატივსაცემოდ გამართულ სადილს, რომელიც მომდევნო კვირას იერუსალიმში გაიმართება. "ათი წლის წინ, მე ვცხოვრობდი ეთიოპიაში და ვერასოდეს წარმოვიდგენდი, რომ ოდესმე ისრაელში აღმოვჩნდებოდი, შევხვდებოდი ისრაელის და ამერიკის შეერთებული შტატების პრეზიდენტებს. ვერასოდეს ვიოცნებებდი მსგავს ამაღლვებელ სიტუაციაზე," - აცხადებს "მის ისრაელი".