ბერლინში საჰაერო წვრთნის დროს ერთმანეთს ორი ვერტმფრენი შეეჯახა
გერმანიაში, ბერლინის ოლიმპიურ სტადიონზე ჩატარებული წვრთნა ტრაგედიით დასრულდა. სტადიონზე პოლიცია საფეხბურთო ძალადობასთან გამკლავების წვრთნებს ატარებდა. წვრთნაში სამი ვერტმფრენი მონაწილეობდა, ორი მათგანი კი დაშვებისას ერთმანეთს შეეჯახა. ავარიის შედეგად ერთი ადამიანი დაიღუპა, ხუთი კი მძიმედ დაშავდა. ინციდენტი თოვლიანი ამინდის გამო მოხდა. ვერტმფრენების დაშვებისას თოვლის ქარბუქი წარმოიქმნა, რის გამოც პილოტებმა მართვა დაკარგეს.