ავღანეთში ნატოს საერთაშორისო კონტინგენტის 4 სამხედრო მოსამსახურე დაიღუპა, შვიდი დაჭრილია
8 ივნისს ავღანეთში ნატოს საერთაშორისო კონტინგენტის 4 სამხედრო მოსამსახურე დაიღუპა, შვიდი კი დაჭრილია. სამი ამერიკელი და ერთი იტალიელი ავღანეთის არმიის ჯარისკაცების ფორმაში გადაცმულმა პირებმა მოკლეს. წინასწარი მონაცემებით, ამერიკელებს აღმოსავლეთ პროვინციაში, პანტიკაში, ავღანელმა ჯარისკაცმა შეკამათების შემდეგ ესროლა. მეორე ინციდენტი დასავლეთ პროვინციაში, ფარახში მოხდა, როდესაც იტალიური ეკიპაჟი, კაპიტან ჯუზეპე ლა როსას მეთაურობით, ჯავშნიანი ავტომობილით ბაზაზე ბრუნდებოდა. ხელნაკეთი ბომბი მანქანაში ტყვიამფრქვევის ლუკიდან ჩააგდეს.