მშიერ ლონდონელებს რესტორანი ხოჭოებით და ჭრიჭინებით უმასპინძლდება
ლონდონელები მწერების მენიუზე გადადიან. ბრიტანელების ტრადიციული საჭმელი თევზი, ჩიფსები, ღვეზელები ან პიურეა. მაგრამ ლონდონში ახლად გახსნილი რესტორანი ბორბლებზე - "პესტორანი" მათ სიახლეს სთავაზობს. ის, რასაც "პესტორანში" მოგართმევენ, ზოგიერთი ქვეყნის ბინადრებისთვის ჩვეულებრივი, ყოველდღიური რაციონია - კალიების ჰამბურგერები, შემწვარი ხოჭოები, ჭიაყელები და ჭრიჭინები. წმინდა პავლეს კათედრალის წინ მოწყობილ დეგუსტაციაზე "პესტორანი" ლონდონელებს მწერებისგან მომზადებული ნაირ-ნაირი კერძებით უფასოდ გაუმასპინძლდა.