ტრაქტორით შექმნილი რომის პაპის გიგანტური პორტრეტი
იტალიური ქალაქის, ვერონას მახლობლად, მდელოზე, რომის პაპის გიგანტური პორტრეტი გამოჩნდა. პორტრეტი ლენ-არტის სტილში მომუშავე იტალიელი მხატვრის და ფერმერის, დარიო გამბარინის ქმნილებაა. ასმეტრიანი ნამუშევრის შესაქმნელად მან ტილოს ნაცვლად მდელო გამოიყენა, ფუნჯის ნაცვლად კი - ტრაქტორი და სახნისი. პორტრეტზე მუშაობას გამბარინიმ დაახლოებით ექვსი საათი მოანდომა. ეს მხატვრის უახლესი ნამუშევარია. გამბარინის ადრეული ნამუშევრებიდან აღსანიშნავია ამერიკის პრეზიდენტის, ბარაკ ობამას პორტრეტი და ედვარდ მუნკის "ყვირილის" რეპროდუქცია.