შვეიცარიაში ქუჩაში 8 მილიონი მონეტა დაყარეს - პალიტრა ვიდეო

შვეიცარიაში, მინიმალური შემოსავლის დაწესების მომხრეებმა, ბერნში, პარლამენტის შენობის წინ აქცია გამართეს. მიტინგის მონაწილეებმა სატვირთო მანქანიდან 8 მილიონი მონეტა გადმოყარეს, რომლის საერთო წონა 15 ტონას, ხოლო ღირებულება 400 ათას ფრანკს შეადგენდა.

შვეიცარიაში სწორედ რვა მილიონი ადამიანი ცხოვრობს და თითო მონეტა სიმბოლურად თითო მოქალაქეს გამოხატავდა. დემონსტრანტებმა ამ ფორმით მოითხოვეს მთავრობისგან, დაამტკიცოს მინიმალური შემოსავალი 2 ათასი ევროს ოდენობით.