"რობოტების ოლიმპიადაზე" რობოტები მთელი მსოფლიოდან შეიკრიბნენ
მსოფლიოს სხვადასხვა კუთხიდან ჩამოსული რობოტები შეიკრიბნენ მაიამიში, სადაც რობოტთა "ოლიმპიური თამაშები" ეწყობა. ყველაზე ცნობილი რობოტების შემქმნელები საკუთარი ჰუმანოიდი პირმშოების დემონსტრირებას ახდენენ. ორ დღიან ღონისძიებას 70 გუნდი იაპონიიდან, კორეიდან, ჩინეთიდან და ამერიკის შეერთებული შტატებიდან ესწრება. რობოტთა "შეჯიბრებაზე" დასწრება ნებისმიერ მსურველს შეუძლია. ორგანიზატორები იმედოვნებენ, რომ ღონისძიება ადამიანებს საშუალებას მისცემს, უკეთ გააცნობიერონ რობოტექნიკის როლი მათ ცხოვრებაში.