ვიქტორ იანუკოვიჩმა პრემიერისა და მინისტრთა კაბინეტის გადადგომის განკარგულებას ხელი მოაწერა - პალიტრა ვიდეო

უკრაინის პრეზიდენტმა ვიქტორ იანუკოვიჩმა პრემიერ-მინისტრ ნიკოლაი აზაროვის და მინისტრთა კაბინეტის გადადგომის განკარგულებას ხელი მოაწერა. ნიკოლაი აზაროვმა გადადგომის თაობაზე განცხადება დღეს გააკეთა.

"ჩვენ ყველაფერს ვაკეთებდით და ვაკეთებთ, რომ არ დავუშვათ სისხლისღვრა”, - განაცხადა უკრაინის პრემიერ-მინისტრმა ნიკოლაი აზაროვმა, რომელმაც თანამდებობის დატოვების შესახებ განცხადება დაწერა.

"კონფლიქტური სიტუაცია, რომელიც სახელმწიფოში შეიქმნა, უკრაინის ეკონომიკას და სოციალურ განვითარებას ემუქრება, შეიცავს საფრთხეს სრულიად უკრაინული საზოგადოებისა და თითოეული მოქალაქისთვის", - ნათქვამია ნიკოლაი აზაროვის მიერ გავრცელებულ განცხადებაში.