ჟენევაში თვალისმომჭრელი ავტოსალონი გაიხსნა - პალიტრა ვიდეო

4 მარტს ჟენევაში პრესისა და სფეროს პროფესიონალებისთვის საერთაშორისო ავტოსალონი გაიხსნა. სიახლეები ავტომწარმოებლების უმეტესობამ წარმოადგინა, მათ შორის BMW-მ, Volkswagen-მა, Opel-მა, Mercedes Benz-მა, Ferrari-მ, Porsche-მ, Bentley-მ, Rolls Royce-მა და Koenigsegg-მა.

შვეიცარიულმა კომპანია Rinspeed-მა BMW i3-ის ბაზაზე დამზადებული პროტოტიპი წარმოადგინა. ავტომობილ Budii-ს განსხვავებულ მახასიათებელს ავტოპილოტით სიარულის და კონკრეტულ საგზაო პირობებში პნევმატური დაკიდების სისტემის გადაწყობის შესაძლებლობა წარმოადგენს. ყველა მსურველისთვის ჟენევის ავტოსალონი პარასკევს გაიხსნება.