ვენესუელაში "ციდან" 999 კილოგრამი კოკაინი ჩამოცვივდა
გასულ კვირას ვენესუელაში პატარა ზომის თვითმფრინავი ჩამოვარდა, რომლის ბორტზეც სამი ადამიანი იმყოფებოდა. შემთხვევის ადგილზე მისულმა ეროვნულმა გვარდიამ ირგვლივ მიმოფანტული თითქმის ერთი ტონა კოკაინი აღმოაჩინა. შემთხვევას, რომელიც ცენტრალურ ვენესუელაში მოხდა, თვითმფრინავში მყოფი სამივე ადამიანი ემსხვერპლა. სამართალდამცველები ამ ეტაპზე იკვლევენ ავიაკატასტროფის მიზეზსა და უკანონო ნარკოგადაზიდვის წყაროს.