გერმანელმა შეყვარებულთან დაშორების შემდეგ ერთად შეძენილი ქონება ხერხით გაყო - პალიტრა ვიდეო

გერმანიის მცხოვრებმა გერლფრენდთან დაშორების შემდეგ ერთად შეძენილი ნივთები შუაზე გაყო და მისი კუთვნილი ნაწილი eBay-ს აუქციონზე გამოიტანა. მამაკაცი აუქციონზე ყიდის ნახევარს იმ ნივთებისა, რომლებიც მეგობარ გოგონა ლაურასთან ერთად 12-წლიანი თანაცხოვრების დროს შეიძინა. "მადლობა 12 "ლამაზი" წლისთვის, ლაურა! შენ ნახევარი ნამდვილად დაიმსახურე. ვულოცავ ჩემს შემცვლელს" - ასეთი კომენტარი მიაწერა ვიდეოს მამაკაცმა.

ყოფილი საყვარლის ხერხის ქვეშ: ტელევიზორი, ნოუთბუქი Apple Macbook Pro, ავეჯი, ველოსიპედი, სათამაშო დათვი და მანქანაც კი მოხვდა. ყველაზე ძვირფასი ლოტი iPhone 5-ის ნახევარია, რომელიც 24,50 ევრო ღირს, ავტომობილ Opel Corsa-ს წინა ნაწილის შეძენა კი სულ რაღაც 4,5 ევროდაა შესაძლებელი.