29 წელი ჩერნობილის კატასტროფიდან - "მკვდარი ქალაქის" სულისშემძვრელი კადრები - პალიტრა ვიდეო

1986 წელს ჩერნობილის ატომური ელექტროსადგურის №4 რეაქტორზე აფეთქება მოხდა. ხანძრის ჩაქრობას 10 დღის განმავლობაში სადგურის რამდენიმე ასეული თანამშრომელი ცდილობდა. ბირთვული აფეთქების შედეგად რეაქტორი მთლიანად დაინგრა, რამაც ვრცელი ტერიტორიის რადიოაქტიური დაბინძურება გამოიწვია. მსოფლიო რადიაციის ღრუბელში გაეხვია - ეს კაცობრიობის ისტორიაში ყველაზე საშინელი ატომური კატასტროფა იყო.

მეცნიერების თქმით, ტერიტორია საცხოვრებლად ვარგისი მომავალი 20 000 წლის მანძილზე არ იქნება. მოყვარულმა ფოტოგრაფმა როლანდ ვერანტმა კატასტროფის ადგილი პირველად 5 წლის წინ მოინახულა და მას შემდეგ კიდევ 7-ჯერ დაბრუნდა ამ ადგილას. საბოლოო ჯამში, როლანდმა 42 დღე გაატარა კატასტროფის ზონაში.