ჩეხეთის პრეზიდენტის რეზიდენციაზე უზარმაზარი წითელი საცვლები დაკიდეს
პრაღაში, ჩეხეთის პრეზიდენტების რეზიდენციაზე აღმართულ ფლაგშტოკზე უზარმაზარი წითელი საცვლები დაკიდეს. აქციის გამო პოლიციამ სამი ახალგაზრდა მამაკაცი დააპატიმრა, რომლებიც ჩეხეთის ხელოვნების არაღიარებული მოღვაწეების გაერთიანების "ზტოჰოვენის" წევრები არიან. ასეთი სახით აქციის ორგანიზატორებმა ნეგატიური დამოკიდებულება გამოხატეს ჩეხი პრეზიდენტისადმი, როგორც ადამიანის, რომელსაც "არაფრის რცხვენია". მათ სახელმწიფო სიმბოლოს შეურაცხყოფისთვის თავისუფლების აღკვეთა ემუქრებათ.