ბენიამინ ნეთანიაჰუს შთამბეჭდავი გამოსვლა გაეროში: რატომ იდგა ტრიბუნასთან უსიტყვოდ ისრაელის ლიდერი
ისრაელის პრემიერ-მინისტრის შთამბეჭდავი გამოსვლა გაეროს ასამბლეაზე მსოფლიო მედიის ყურადღების ცენტრში მოექცა. გენერალური ასამბლეის წევრებისადმი მიმართვა პრემიერმა გაბრაზებული ტონით დაიწყო და განაცხადა: "ირანს სურს, გაანადგუროს ჩემი ქვეყანა, დახოცოს ჩემი ხალხი და მის ამ მცდელობებზე ამ ორგანიზაციის პასუხი, პასუხი თითქმის ყველა ქვეყნის მთავრობის წარმომადგენლისა ამ ორგანოში, არის აბსოლუტური სიჩუმე, გამაყრუებელი სიჩუმე" - ამ სიტყვებზე ისრაელის ლიდერი გაჩუმდა და 45 წამის მანძილზე უსიტყვოდ ათვალიერებდა ასამბლეის წევრებს.