პაკისტანში ქარხნის ჩამონგრევას 20 ადამიანი ემსხვერპლა, ნანგრევებში 100-ზე მეტ დაშავებულს ეძებენ - პალიტრა ვიდეო

პაკისტანში ქარხნის ჩამონგრევის შედეგად, სულ მცირე, 20 ადამიანი დაიღუპა, 80-ზე მეტი კი დაშავდა. როგორც ადგილობრივი მედია იტყობინება, სამაშველო სამუშაოები ამ დრომდე გრძელდება. ადგილობრივი ხელისუფლების ცნობით, ნანგრევებში 100-ზე მეტი ადამიანია მოყოლილი. ადგილზე მუშაობენ სამხედროები და მოხალისეები.

უბედური შემთხვევა პაკისტანის ქალაქ ლაჰორში მოხდა. ქარხნის ჩამონგრევის მიზეზი ჯერჯერობით უცნობია.

"ბიბისი" წერს, რომ ოთხსართულიანი შენობა, სავარაუდოდ, ოქტომბერში მომხდარი ძლიერი მიწისძვრის დროს დაზიანდა.