აფეთქება სტამბოლის "გოგჩენის" აეროპორტში - პალიტრა ვიდეო

სტამბოლის საბიჰა გოქჩენის სახელობის აეროპორტში აფეთქება მოხდა. უცხოური მედიის ინფორმაციით, აფეთქება თვითმფრინავების სადგომთან მოხდა, რის შედეგად აეროპორტის 2 თანამშრომელი დაშავდა. ორივე ჰოსპიტალიზებულია, მათ შორის ერთის მდგომარეობა მძიმეა.

აფეთქების მომენტში ტერიტორიაზე მგზავრები არ იმყოფებოდნენ. აეროპორტის შესასვლელ-გასასვლელს სამართალდამცველები იცავენ.

რა გახდა აფეთქების მიზეზი, ჯერჯერობით უცნობია. მომხდარის მიუხედავად, აეროპორტი მუშაობას ჩვეულ რეჟიმში აგრძელებს.