დონალდ ტრამპმა მუსლიმი ქალი დარბაზიდან გააგდებინა
აშშ-ში დონალდ ტრამპის საარჩევნო კამპანიის დროს დარბაზიდან მუსლიმი ქალი გააგდეს. სამხრეთ კაროლინაში, სადაც დონალდ ტრამპი საკუთარ მხარდამჭერებს მიმართავდა, ჰიჯაბში ჩაცმული როუზ ჰამიდი ფეხზე დადგა და ამ გზით ტრამპის სიტყვით გამოსვლა გააპროტესტა. 56 წლის ჰამიდს პროტესტის გრძნობა მაშინ გაუჩნდა, როდესაც ტრამპმა თქვა, რომ სირიელი დევნილები საკუთარ ქვეყანაში ომს გამოექცნენ და ამავდროულად ისინი ”აისისთან” დაკავშირებული პირები არიან. როუზ ჰამიდის ფეხზე დადგომის შემდეგ დონალდ ტრამპმა მისი დარბაზიდან გაგდება მოითხოვა.