X
პუტინის კაფე რუსეთში, სადაც ტუალეტის ქაღალდზე ბარაკ ობამაა გამოსახული
17:20 / 07-04-2016
რუსეთის ქალაქ კრასნოიარსკში პატრიოტული კაფე გაიხსნა. მიმტანები აქ "პუტინის გუნდიდან" არიან, კედლებზე პრეზიდენტის პორტრეტებია, კოქტეილებს კი რუსეთის დროშის ფერებში ამზადებენ.

"პრეზიდენტ-კაფე" რუსეთის მოქალაქე სვეტლანა ლაუტმანმა გახსნა, რომელიც მანამდე აშშ-ში სამი წლის განმავლობაში ცხოვრობდა.

რუსეთის პრეზიდენტის გარდა, კედლებზე რუსული ფილმების ამსახველი სურათებია გამოკრული. აქ შეგხვდებათ ცნობილი რუსი სპორტსმენების, რუსული "კამაზების", ელექტროსადგურებისა და გაგარინის სურათები.

კაფეში ასევე განთავსებულია აშშ-ის პრეზიდენტ ბარაქ ობამას, გერმანიის კანცლერ ანგელა მერკელის, უკრაინის პრეზიდენტ პეტრო პოროშენკოსა და სხვა მსოფლიო ლიდერების პორტრეტები, რომელთა ქვეშ შავი მარკერი დევს.

კაფეს სტუმრებს შეუძლიათ, შავი მარკერით მსოფლიო ლიდერების სურათები კარიკატურებად აქციონ, მიუხატონ რქები ან ულვაშები.

საპირფარეშოს წინ დაგებული ხალიჩა აშშ-ის დროშის ფერებშია, ტუალეტის ქაღალდი კი ბარაქ ობამას გამოსახულებით.

12 საათზე კაფეში რუსეთის ჰიმნს უკრავენ, დაწესებულებაში მყოფი სტუმრები ამ დროს ფეხზე დგებიან და მღერიან.

რაც შეეხება სამზარეულოს, კაფეს მფლობელის რუსული კულტურისადმი დიდი სიყვარულის მიუხედავად, აქ კავკასიური და ევროპული კერძები იყიდება.

BPN.GE
ბოლო სიახლეები
Autoplay
პოპულარული
Tik-Tok-ი სამხრეთ ოსეთსა და აფხაზეთს ცალკე ქვეყნებად მოიხსენიებს - პოლიტიკური სარჩული თუ უბრალოდ ხარვეზი
"დოქსოპულო, შენ დედა გყავს?!.. უტას ეკუთვნის და გიულის არ ეკუთვნის?" - რა ინციდენტი შეემთხვა თბილისის აეროპორტში გიული ალასანიას, რომელიც ამჟამად კარანტინშია? 
მობილური კავშირგაბმულობის ევოლუცია 1-დან 5G-მდე: რა უპირატესობები აქვს 5G-ს, როგორ შეცვლის ის ჩვენს ყოფით ცხოვრებას და როგორი იქნება კავშირგაბმულობის მომავალი მის შემდეგ
"ღმერთო, მართლა დაგვეხმარე!" - რა ხდება ქავთარაძეზე
"ძალიან მეშინია, ვერაფრით ვხვდები, რა არის, სამსახურში მივდიოდი და დამხვდა" - კადრები ვაჟა-ფშაველას გამზირიდან
შევძლებთ თუ არა წელს ზღვაზე დასვენებას? - დაავადებათა კონტროლის ეროვნული ცენტრის პასუხი
2020 წლის "ბოლო ზარის" ჰიმნი, რომელიც ინტერნეტში ყველაზე პოპულარულია,  კლიპს ინტერნეტში განიხილავენ - "მორჩა სკოლა, დაიშალეთ, დავაი დაიზარიატკეთ"