მძარცველი მაიმუნი: ცხოველმა საიუველირო მაღაზიიდან ფული მოიპარა
სამხრეთ ინდოეთში საიუველირო მაღაზია მაიმუნმა გაძარცვა. ანდრა პრადეშის შტატში მდებარე მაღაზიიდან მაიმუნმა 10 ათასი რუპია გაიტანა, რაც 150 ამერიკული დოლარის ექვივალენტია. საიუველირო მაღაზიაში შესულ მაიმუნს გამყიდველმა ხილი შესთავაზა, მაგრამ როგორც შემდეგ გამოჩნდა, ცხოველს ხილზე მეტად ფული ჰყვარებია. მაღაზიის მფლობელის თქმით, მაიმუნი მაღაზიასთან აქამდეც ნამყოფი იყო, უბრალოდ, პირველად მან კარის გაღება ვერ შეძლო.