20 წლის მამაკაცი ტრამპის ცათამბჯენზე პრეზიდენტობის კანდიდატის გასაცნობად აცოცდა
20 წლის მამაკაცი ტრამპის ცათამბჯენზე პრეზიდენტობის კანდიდატის გასაცნობად აცოცდა. იგი მანჰეტენზე მდებარე 58-სართულიან შენობაზე სპეციალური სამაგრების მეშვეობით 2 საათის განმავლობაში ცდილობდა ასვლას. მამაკაცი სამართალდამცველებმა 21-ე სართულის ფანჯრიდან შეიყვანეს და დააკავეს. აღნიშნული ცათამბჯენი პრეზიდენტობის რესპუბლიკელი კანდიდატის საარჩევნო კამპანიის ცენტრალური ოფისია, სადაც თავად დონალდ ტრამპი ცხოვრობს, თუმცა ინციდენტის დროს იგი ნიუ-იორკში არ იმყოფებოდა.