ინდოეთში მამაკაცს კუჭიდან 40 ცალი დანა ამოუღეს
ინდოეთში ექიმებმა მამაკაცს კუჭიდან 40 ცალი დანა ამოუღეს. ოპერაცია ქალაქ გურდას-პურის კლინიკაში ჩატარდა. 42 წლის მამაკაცი საავადმყოფოში მუცლის არეში ძლიერი ტკივილებით და სისუსტის შეგრძნებით მიიყვანეს. ულტრაბგერითი კვლევის შედეგად ექიმებმა მის კუჭში მყარი საგნები შენიშნეს, რის შემდეგაც პაციენტმა აღიარა, რომ ავარიის შემდეგ დანების გადაყლაპვის სურვილი ჰქონდა, რომელსაც ვერ აკონტროლებდა. მისივე განცხადებით, მან 28 დანა გადაყლაპა, მაგრამ ოპერაციის დროს სულ 40 დანა ამოიღეს. ექიმების განცხადებით, პაციენტის მდგომარეობა სტაბილურია.