სასტიკი კადრები სირიიდან, რომელმაც მსოფლიო აღაშფოთა (+18) - პალიტრა ვიდეო

სირიაში, ერაყის საზღვართან მდებარე დევნილთა ბანაკზე დაჯგუფება "ისლამური სახელმწიფოს" "ბოევიკების" მიერ განხორციელებული თავდასხმის შედეგად, 30-ზე მეტი მშვიდობიანი ადამიანი და მებრძოლი დაიღუპა.
თავდასხმა რაჯმ-ეს-სალიბში დევნილების დროებით ბანაკზე მოხდა. დაჯგუფების წევრები "სირიის დემოკრატიული ძალების" ალიანსის წარმომადგენლებსაც დაესხნენ. ბანაკის შიგნით თავი, სულ მცირე, ხეთმა "ბოევიკმა" აიფეთქა.
დიდ ბრიტანეთში განლაგებული სირიის ადამიანის უფლებათა მონიტორინგის ცენტრის წარმომადგენლის ინფორმაციით, სულ მცირე, 32 ადამიანია დაღუპული, რომელთაგან 21 მშვიდობიანი მოქალაქეა, 30 ადამიანი კი დაშავდა.
"ბი-ბი-სის" ინფორმაციით, თავდამსხმელებმა ათობით ადამიანი გაიტაცეს. თუმცა, ოფიციალურად ეს ინფორმაცია არ დასტურდება.