X
ემოციური მომენტი: როგორ დახვდნენ წმინდა ნიკოლოზის წმინდა ნაწილებს მოსკოვში
18:46 / 21-05-2017
930 წლის შემდეგ პირველად, წმინდა ნიკოლოზის წმინდა ნაწილები იტალიის ქალაქ ბარიდან მოსკოვში გადააბრძანეს. წმინდა ნიკოლოზის უხრწნელი სხეულის რუსეთის დედაქალაქში ტრანსპორტირება სპეცრეისით განხორციელდა.

თვითმფრინავი მოსკოვის ვნუკოვოს აეროპორტში დაეშვა, სადაც წმინდანის სხეულს საპატიო ყარაული და რუსეთის მართლმადიდებელი ეკლესიის მღვდლემთავრები და სამღვდელოება გალობით დახვდა.

წმინდა ნიკოლოზის უხრწნელი სხეული, რომელიც ოქროს ლუსკუმაშია მოთავსებული, აეროპორტში დააბრძანეს და პარაკლისი გადაიხადეს, წაიკითხეს წმინდანის "დაუჯდომელი". ამის შემდეგ მრევლს მასთან მიახლების და თაყვანისცემის შესაძლებლობა მიეცა.

წმინდა ნიკოლოზის წმინდა ნაწილი მოსკოვის მაცხოვრის სახელობის ტაძარში 12 ივლისამდე დარჩება, 13 ივლისიდან 28 ივლისამდე კი მორწმუნეებს წმინდანის უხრწნელი სხეულის მოლოცვა სანკტ პეტერბურგში შეეძლებათ.

მართლმადიდებელი ეკლესია 22 მაისს წმინდა ნიკოლოზის წმინდა ნაწილების ამოყვანების დღეს აღნიშნავს. წმინდა ნიკოლოზ სასწაულმოქმედი მცირე აზიაში, ლუკიის მხარის ქალაქ პათარაში, 257 წელს მდიდარ და ღვთისმოშიშ ოჯახში დაიბადა. მირონლუკიიდან იტალიის ქალაქ ბარში წმინდა მღვდელმთავრის წმინდა ნაწილების გადასვენება 1087 წელს მოხდა. ეკლესია წმინდა ნიკოლოზ სასწაულმოქმედის ხსენებას წელიწადში ორჯერ აღნიშნავს. 19 დეკემბერს მისი გარდაცვალების დღეა.
ბოლო სიახლეები
Autoplay
პოპულარული
"არაფერი არ მიცხოვრია, განადურებული ვარ" - რას ჰყვება 22 წლის ხაშურელი ქალი, რომელმაც ტყუპი გოგონა გააჩინა, შინ დაბრუნებულს კი მეუღლე გარდაცვლილი დახვდა
ვინ არის ქართველი მხატვარი, რომელმაც კოსმოსში გამოფენა მოაწყო - ნახეთ უნიკალური ვიდეომასალა სტრატოსფეროდან
ჩხუბი და დასისხლიანებული მონაწილეები რუსულ არხზე - პოლიციამ სტუდიაშივე დააკავა მამაკაცი, რომელსაც 14 წლის გოგონას შეცდენას აბრალებენ