რუსეთში მამაკაცმა ვეფხვი მოკლა და მისი გვამი გაყინა
რუსეთში 42 წლის მამაკაცის წინააღმდეგ სისხლის სამართლის საქმე უკანონო ნადირობის ბრალდებით აღიძრა. სამართალდამცველებმა პრომორიეში მცხოვრები მამაკაცის სახლში გაყინული ამურის ვეფხვის გვამი აღმოაჩინეს. ვეფხვის ეს სახეობა წითელ წიგნშია შეტანილი. ამიტომ მამაკაცის წინააღმდეგ სისხლის სამართლის საქმე აღიძრა. მონადირეს, რომელიც გამოტყდა, რომ ვეფხვი ჯერ მოკლა, ხოლო შემდეგ გაყინა და გადამალა, 3 წლით თავისუფლების აღკვეთა ან ჯარიმის სახით მილიონი რუბლის გადახდა ემუქრება.