X
მიხეილ სააკაშვილი - უკრაინის საზღვარზე მხარდამჭერებმა ხელში აყვანილი გადამიყვანეს
09:31 / 11-09-2017
უკრაინის ტერიტორიის გარღვევის შემდეგ ოდესის ოლქის ყოფილმა გუბერნატორმა მიხეილ სააკაშვილმა ლვოვში ღამე ერთ-ერთ ყველაზე პოპულარულ სასტუმროში გაათენა, რომელიც ბაზრის მოედანთან ახლოს მდებარეობს. ამავე სასტუმროში დასახლდნენ მისი მომხრეებიც. ამის შესახებ "უკრაინსკაია პრავდა" იუწყება.

გამოცემის ცნობით, ლვოვში სააკაშვილს წუხელ ქალაქის მერი ანდრეი სადოვი დახვდა. ერთი საათის განმავლობაში გაგრძელდა ვახშამი მასთან ლვოვის ერთ-ერთ რესტორანში. გამოცემა იუწყება, რომ ვიდრე ისინი ვახშმობდნენ, რესტორანს 30-მდე მამაკაცი იცავდა, რომლებიც სრული ამუნიციით იყვნენ აღჭურვილნი.

რესტორნიდან გამოსულმა სააკაშვილმა ჟურნალისტებისთვის ლვოვის მერთან ერთად ბრიფინგი გამართა. მისი თქმით, რაც საზღვარზე მოხდა, ეს არ იყო გარღვევა. მას არ დაურღვევია არავითარი იურიდიული ნორმა, მიუხედავად იმისა, რომ საზღვარი კონტროლის გავლის გარეშე გადაკვეთა. მისი თქმით, მისმა მხარდამჭერებმა ის ხელში აყვანილი გადაიყვანეს.

დღეს მიხეილ სააკაშვილი მომხრეებთან ერთად კიევისკენ გაემგზავრება. ამის შესახებ მედიას ლვოვის მერმა ანდრეი სადოვიმ განუცხადა.
ბოლო სიახლეები
Autoplay
პოპულარული
"ამ კაცმა გვესროლა იარაღი!" - რა მოჰყვა სოციალურ ქსელში გავრცელებულ ვიდეოს
სტეფანეს ახალი კლიპი, რომელსაც სკანდალი მოჰყვა - რაში ამხელენ მომღერალს
პატარძლისა და მამამისის ცეკვა ქორწილში - ვიდეო, რომელსაც მილიონობით მნახველი ჰყავს, ნამდვილად გაგამხიარულებთ
როგორ ელოდებოდა ჰარი საცოლეს - ემოციური კადრები ქორწილიდან   
"სად არის ჩემი ლიფი, ეს წარმოუდგენელია" - რა მოხდა ამერიკულ "ნიჭიერში"?   
წარმოგიდგენთ ხელოვნების ცნობილი ძეგლების 6 საიდუმლოს