აშშ სანქციებს დაუწესებს ნებისმიერ ქვეყანას, რომელიც რუსულ საზენიტო სარაკეტო სისტემას შეიძენს - პალიტრა ვიდეო

აშშ-ის ხელისუფლება მიიჩნევს, რომ თურქეთმა, როგორც ნატო-ს წევრმა, რუსეთისგან საზენიტო სარაკეტო სისტემა С-400 არ უნდა შეისყიდოს. ამის შესახებ აშშ-ის სახელმწიფო დეპარტამენტის ოფიციალურმა წარმომადგენელმა ჰიზერ ნაუერტმა განაცხადა.

მისივე თქმით, აშშ-ში შეშფოთებას იწვევს ის, რომ ნატო-ს ისეთი მოკავშირე, როგორიცაა თურქეთი, შეიძლება ფლობდეს С-400-ს.

აშშ-ის სახელმწიფო დეპარტამენტში ხაზგასმით აღნიშნეს, რომ ნებისმიერ ქვეყანასთან მიმართებაში სანქციებს დააწესებენ რუსეთისგან საზენიტო სარაკეტო სისტემა С-400-ის შესყიდვის შემთხვევაში.