რა არის ჰელოუინი სინამდვილეში? - პალიტრა ვიდეო

ყოველი წლის ოქტომბრის ბოლოს ამერიკასა და ევროპაშიც მოსახლეობის გარკვეული ნაწილი ჰელოუინის დღესასწაულს აღნიშნავს. ამ წარმართულ დღესასწაულს, რომელიც გარდაცვლილთა სულების "დაშინებას" და "განდევნას" ისახავს მიზნად, საქართველოში უკვე მეცხრე წელია აღნიშნავენ.

ჰელოუინი ყოველწლიურად საქართველოში სულ უფრო პოპულარული ხდება. ის კი არადა, ბევრი ოჯახი ამ დღისთვის ისე ემზადება, როგორც ახალი წლისთვის ან რომელიმე ტრადიციული დღესასწაულისთვის. სოციალურ საიტებს თვალს თუ გადავავლებთ, დავინახავთ, თუ როგორი წარმატებით აიტაცეს საქართველოში ეს წარმართული დღესასწაული.