X
როგორ მოქმედებს საქართველოს ეკონომიკაზე დეფლაცია
15:51 / 08-11-2016
ოქტომბერში საქართველოში ფასების საერთო დონე წინა წლის ანალოგიურ პერიოდთან შედარებით 0, 2%-ით არის შემცირებული. ქვეყანაში წლიურ მიზნობრივ ინფლაციად 5%-ია განსაზღვრული, თუმცა გასულ თვეში ფასების საერთო დონის ზრდამ მხოლოდ 0,5% შეადგინა. ლარის კურსის გაუფასურების მიუხედავად, საქართველოში სამომხმარებლო კალათაში შემავალი პროდუქციის გარკვეული ნაწილის ღირებულება მცირდება. როგორც სპეციალისტები განმარტავენ, ფასების კლება მომხმარებელთა მსყიდველუნარიანობის შემცირებამ გამოიწვია.

ეკონომისტი დემურ გიორხელიძე ოქტომბერში დაფიქსირებულ დეფლაციის მაჩვენებელს მთავრობის არასწორ ეკონომიკურ პოლიტიკას უკავშირებს. მისი თქმით, ქვეყანაში მაკროეკონომიკური პარამეტრები მნიშვნელოვნად გაუარესებულია. არასამთავრობო ორგანიზაცია "საზოგადოება და ბანკების" ეკონომიკური ანალიტიკოსი იმედოვნებს, რომ მომავალი 2017 წელი ქვეყანაში ეკონომიკურად უფრო აქტიური იქნება. გივი ალადაშვილს მთავრობის მიერ დაანონსებული რამდენიმე რეფორმის ეიმედება.

სპეციალისტების განმარტებით, დეფლაცია ქვეყნის ეკონომიკაზე უარყოფითად აისახება. მათი განმარტებით, თუ ინფლაცია მიზნობრივ მაჩვენებელს არ მიუახლოვდა, ამან პროდუქტსა და მომსახურებაზე მოთხოვნის კლების გარდა, შესაძლოა, სამუშაო ადგილებისა და ხელფასების შემცირებაც გამოიწვიოს.
ბოლო სიახლეები
Autoplay
პოპულარული
ყველაფერი, რაც ერაყში განადგურებულ ამერიკულ ბაზაზე ვიცით, რომელსაც ირანმა დაარტყა და რა რეაქციები გამოიწვია მომხდარმა მსოფლიო ლიდერებში
ირანელი რეჟისორების ექვსი კინოშედევრი, რომლებიც მათ ქვეყანასა და ხალხს სხვა კუთხიდან გაგაცნობთ
2020 წლის 3 იანვარს ირანელი გენერალ-მაიორის ესკორტს საჰაერო დარტყმა მიაყენა