ემინემის გამოწვევა და გამარჯვებული ქართველი გოგონა - 16 წლის ნინი ჩილაჩავამ ყველა ფანს აჯობა
ცნობილმა რეპერმა ემინემმმა რამდენიმე დღის წინ საკუთარი ფანებისთვის გამოწვევა გაავრცელა. "საუთფაუერის" ინფორმაციით, გამოცხადებულ გამოწვევაში 16 წლის ზუგდიდელმა ნინი ჩილაჩავამ გაიმარჯვა. გამოწვევის თანახმად, ემინემის თაყვანისმცემლებს რეპერის სისწრაფით უნდა გაერეპათ. უფრო ზუსტად კი, ისინი ემინემს ცნობილ სიმღერა Godzilla-ს გარეპვაში უნდა აჰყოლოდნენ. როგორც აღმოჩნდა, ვარსკვლავის გამოწვევაში მონაწილე ათასობით ფანიდან ყველაზე სწრაფი ეს ქართველი გოგონა აღმოჩნდა.