"განრისხებული ვარ და პასუხი რომ არ გაგცეთ, შეუძლებელია" - თეონა კონტრიძე მარი ნაკანთან ინტერვიუს შემდეგ "ამაზრზენი და შემაძრწუნებელი" კომენტარების ავტორებს პასუხობს - პალიტრა ვიდეო

"ამაზრზენი და შემაძრწუნებელი" - ასე მოიხსენიებს იმ კომენტარებს, რომლებიც რუსეთში მოღვაწე ქართველი მომღერლის, თეონა კონტრიძის იმ ინტერვიუს მოჰყვა, რომელშიც ის საქართველოს მთავრობას კორონავირუსის ეპიდემიისას რუსეთში მყოფი ქართველების დახმარებას სთხოვდა. "აღარ გვინდა ამ რუსეთში, წაგვიყვანეთ", - მიმართა მომღერალმა მთავრობას.
მან ინტერვიუ მარი ნაკანს მისცა. სწორედ მარი ნაკანი ავრცელებს კონტრიძის ამ საპასუხო  ვიდეომიმართვასაც. "მე პირადად გიხდი ბოდიშს იმ საზიზღარი კომენტარებისთვის, რაც ჩემი პოსტის ქვეშ დაიწერა...", - წერს მარი ნაკანი.