ვერუშკა - გერმანელი გრაფინია, რომელიც სუპერმოდელად იქცა
საოცარი გარეგნობა, ტრაგიკული ბიოგრაფია, გამუდმებული ბრძოლა საკუთარ თავთან და სურვილი, გამხდარიყო უკეთესი - ამ ყველაფერმა სუპერმოდელი ვერუშკა მსოფლიო მოდის ერთ-ერთ საკვანძო ფიგურად აქცია.
წიგნი, რომელშიც იგი თავის თავზე მოუთხრობს საზოგადოებას, ორიოდე კვირის წინ გამოვიდა შეზღუდული ტირაჟით. ვერა ფონ ლენდორფი - ძველი გერმანელი გრაფების შთამომავალი 1960-იან წლებში გახდა სუპერმოდელი. მან საკუთარი თავი თავად შექმნა: მოიგონა ლაპარაკის მანერა, მოძრაობის განსაკუთრებული სტილი, იცვამდა გამორჩეულად და ცდილობდა, საზოგადოებისგან მხოლოდ სიმაღლით არ ყოფილიყო გამორჩეული (მისი სიმაღლე 190 სანტიმეტრია). ფსევდონიმიც გამორჩეული მოიფიქრა - ვერუშკა.
1970-იანი წლების შუალედში "ვოგის" რედაქტორს წაეჩხუბა და მოდის სამყარო დატოვა. მას მერე გრაფინია იყო სალვადორ დალის მუზა, თამაშობდა კინოსა და თეატრში, პოზირებდა საკუთარი თავისთვის და ბოლოს ბოდი-არტის პოპულარიზაციით იყო დაკავებული. მოდელი ოსტატურად ერწყმოდა გარემოს - ჟანგიან მილებს, ბინძურ ასფალტს და ა.შ. დღესდღეობით მონაწილეობს მოდურ ჩვენებებში მეგობარი დიზაინერების მიწვევით და თავისი წიგნის პიარით არის დაკავებული.
საინფორმაციო პორტალი ამბები.გე
წიგნი, რომელშიც იგი თავის თავზე მოუთხრობს საზოგადოებას, ორიოდე კვირის წინ გამოვიდა შეზღუდული ტირაჟით. ვერა ფონ ლენდორფი - ძველი გერმანელი გრაფების შთამომავალი 1960-იან წლებში გახდა სუპერმოდელი. მან საკუთარი თავი თავად შექმნა: მოიგონა ლაპარაკის მანერა, მოძრაობის განსაკუთრებული სტილი, იცვამდა გამორჩეულად და ცდილობდა, საზოგადოებისგან მხოლოდ სიმაღლით არ ყოფილიყო გამორჩეული (მისი სიმაღლე 190 სანტიმეტრია). ფსევდონიმიც გამორჩეული მოიფიქრა - ვერუშკა.
1970-იანი წლების შუალედში "ვოგის" რედაქტორს წაეჩხუბა და მოდის სამყარო დატოვა. მას მერე გრაფინია იყო სალვადორ დალის მუზა, თამაშობდა კინოსა და თეატრში, პოზირებდა საკუთარი თავისთვის და ბოლოს ბოდი-არტის პოპულარიზაციით იყო დაკავებული. მოდელი ოსტატურად ერწყმოდა გარემოს - ჟანგიან მილებს, ბინძურ ასფალტს და ა.შ. დღესდღეობით მონაწილეობს მოდურ ჩვენებებში მეგობარი დიზაინერების მიწვევით და თავისი წიგნის პიარით არის დაკავებული.
საინფორმაციო პორტალი ამბები.გე