ოპრა უინფრიმ ფარელ უილიამსი აატირა - პალიტრა ვიდეო

მუსიკოსმა ფარელ უილიამსმა ამერიკელი ტელეწამყვანის, ოპრა უინფრის პროგრამა Oprah Prime-ის გადაღებებზე იტირა. ვარსკვლავს გული მის ერთ-ერთ ჰიტზე შექმნილმა ვიდეომ აუჩუყა.

ცნობილი ტელეწამყვანის შოუზე 41 წლის ფარელი საკუთარი სიმღერის, Happy-ს წარმატებაზე სასაუბროდ მივიდა. სიმღერა არა მხოლოდ მრავალი ქვეყნის ჰიტ-აღლუმების სათავეში მოექცა, არამედ "ოსკარზეც" იყო ნომინირებული, როგორც საუკეთესო მუსიკა ფილმისთვის. სიმღერა Happy მულტფილმ "საზიზღარი მე 2"-ის საუნდტრეკია.

უინფრიმ ფარელს შესთავაზა დარწმუნებულიყო, რომ სიმღერა ამჟამად მსოფლიო ჰიტია და მისი თაყვანისმცემლების მიერ დამონტაჟებული ვიდეო ჩართო. სიმღერა Happy-ს ვიდეორგოლში სხვადასხვა ქვეყანაში - ისლანდიიდან-სინგაპურამდე მცხოვრები ადამიანები მღერიან.