შაკირას ახალ კლიპში მომღერლის საქმრო და ვაჟიშვილი მონაწილეობენ - პალიტრა ვიდეო

მალე ბრაზილიაში ფეხბურთის მსოფლიო ჩემპიონატი დაიწყება. ამ მოვლენასთან დაკავშირებით შაკირამ, ბრაზილიელ მომღერალ Carlinhos Brown-თან ერთად, სიმღერა La La La-ზე კლიპი გადაიღო. კომპოზიცია მომღერლის ბოლო ალბომ Shakira-ში შევიდა.

მაისის დასაწყისში შაკირამ ამავე სიმღერაზე, Dare-ზე (La La La) კლიპი გამოუშვა, მაგრამ მაშინ მომღერლის შემოქმედების თაყვანისმცემლები ვიდეორგოლით უკმაყოფილონი დარჩნენ. ამიტომ შაკირამ ახალი კლიპის გადაღება გადაწყვიტა.

ახალი კლიპი ნამდვილად მასშტაბური გამოვიდა: მომღერლის ვიდეოში არა მხოლოდ მისი საქმრო ჟერარ პიკე და წყვილის 16 თვის ვაჟიშვილი მილანი მონაწილეობენ, არამედ ცნობილი ფეხბურთელები: ლიონელ მესი, ნეიმარი, ერიკ აბიდალი, სესკ ფაბრეგასი.

ასევე იხილეთ: 2014 წლის ფეხბურთის მსოფლიო ჩემპიონატის ოფიციალური კლიპი და მილიონობით ნახვა ერთ დღეში