”შეგიძლია პირდაპირ ბოლივუდში წახვიდე” - ნოდიკო ტატიშვილისა და ჯულიანა ბარგნარის ინდური
ტელეკომპანია ”იმედის” ეთერში ”ცეკვავენ ვარსკვლავების” მორიგი ტური გაიმართა. კონკურსანტებს ამჯერად მსოფლიოს ხალხთა ცეკვები უნდა წარმოედგინათ. ნოდიკო ტატიშვილისა და ჯულიანა ბარგნარის წყვილმა ინდური ცეკვა შეასრულა. მათმა ენერგიულმა შესრულებამ ჟიურის დადებითი შეფასება მიიღო. ჟიურის წევრის, ილიკო სუხიშვილის აზრით, ცეკვაში ”კანონი და გრამატიკა იდო”, გოჩა ჩერტკოევმა კი აღნიშნა, რომ ინდური საკმაოდ რთული ცეკვაა და მოცეკვავეებმა დავალებას თავი კარგად გაართვეს.