ვრცელდება კადრები, რომელშიც ჩანს, როგორ დაშავდა ტომ კრუზი გადასაღებ მოედანზე - მსახიობი კედელს ძლიერად შეეჯახა - პალიტრა ვიდეო

ჰოლივუდის ცნობილი მსახიობი ტომ კრუზი ფილმ "შეუსრულებელი მისია 6"-ის გადაღებებისას დაშავდა.

გავრცელდა ვიდეო, სადაც ჩანს, როგორ ცდილობს მსახიობი ერთ-ერთი ილეთის შესრულებას. ერთი სახურავიდან მეზობელ სახურავზე გადახტომისას ის კედელს ძლიერად შეეჯახა.

კრუზი გადასაღები მოედნიდან დამოუკიდებლად, თუმცა კოჭლობით გადის. ჯერჯერობით მითითებული არ არის, თუ რა სიმძიმის დაზიანება მიიღო მსახიობმა.

"შეუსრულებელი მისია 6"-ის გამოსვლა 2018 წლის ივნისში იგეგმება.