"ეს კადრები მოივლის მსოფლიოს" - რატომ გაბრაზდა ბასილაშვილის მეტოქე და როგორ დაარწმუნა ნიკამ, რომ თამაში გაეგრძელებინა - პალიტრა ვიდეო

ATP CUP-ზე ქართველი ჩოგბურთელი ნიკოლოზ ბასილაშვილი ურუგვაელ პაბლო კუევასს უპირისპირდება.

პირველი სეტის მიწურულს, როცა ბასილაშვილი ანგარიშით 5:4 იმარჯვებდა, კუევასმა უცნაურად მოქმედება დაიწყო, რის გამოც ის კოშკურის მსაჯმა გააფრთხილა. ამის შემდეგ კუევასი გაბრაზდა და სუპერვაიზერი გამოიძახა. სუპერვაიზერთან საუბრის შემდეგ მან კორტის დატოვება გადაწყვიტა.

აღსანიშნავია, რომ კუევასს ნიკოლოზ ბასილაშვილი გაესაუბრა. საბოლოოდ, ურუგვაელი კორტზე დარჩა, თუმცა სეტი წააგო.