სელფის გადაღების დროს გოგონა კლდიდან გადავარდა - პალიტრა ვიდეო

ბრიტანელი მოდელი, 21 წლის მედლინ დევისი სელფის გადაღების დროს გადავარდა კლდიდან. აღნიშნული შემთხვევა მოხდა ავსტრალიის ერთ-ერთ ყველაზე პოპულარულ პლაჟზე, „diamond bay"-ზე, რა დროსაც იგი თავის მეგობრებთან იმყოფებოდა, რათა მზის ამოსვლისთვის ერთად ეყურებინათ.

გოგონამ სელფის გადაღება კლდის ციცაბო მწვერვალიდან სცადა, რა დროსაც მოლიპულ ზედაპირზე ფეხი დაუცდა და 30 მეტრიდან გადავარდა, რის შემდეგაც იგი ადგილზე გარდაიცვალა.

ახალგაზრდა ტურისტი ავსტრალიაში ინგლისიდან ჩავიდა და გეგმავდა ახალი ცხოვრების დაწყებას. ამის შესახებ წერს DAILYMAIL-ი.

სოციალურ მედიაში გავრცელებულ უკანასკნელ ფოტოზე მოდელი იმყოფებოდა ბარში თავის ავსტრალიელ მეგობრებთან ერთად.