"6 წლის ვაჟი გაყინული თვალებით უყურებდა დედის სასახლეს" - რას ჰყვება შილდაში გარდაცვლილი 24 წლის გოგოს ახლობელი - პალიტრა ვიდეო

18 ოქტომბერს, ყვარლის რაიონის სოფელ შილდაში, საკუთარ სახლში 24 წლის ეკა ნაქევხრიშვილი გარდაცვლილი იპოვეს. მომხდარზე საქმე სისხლის სამართლის 115-ე მუხლით აღიძრა, რაც თვითმკვლელობამდე მიყვანას გულისხმობს. ტრაგედიის ადგილას არსებულმა ვითარებამ თავდაპირველად გააჩინა ვერსია, რომ გოგონამ თავი
ჩამოიხრჩო, თუმცა მალევე გაჩნდა უამრავი ეჭვი, რაც კიდევ უფრო მეტად გაამძაფრა იმან, რომ ახალგაზრდა ქალის დაკრძალვის დღეს მისმა მაზლმაც თვითმკვლელობა - თავის ჩამოხრჩობა სცადა. ის ამ დრომდე საავადმყოფოში რჩება. როგორც თვითმხილველები ამბობენ, გოგონა სრულიად შიშველი იყო და სხეულზე ძალადობის კვალი ეტყობოდა.


წყარო: kvirispalitra.ge