საქართველოდან "გუგლში" ყველაზე ხშირად ავტომობილის ფასს ეძებენ - პალიტრა ვიდეო

საქართველოდან "გუგლში" ყველაზე ხშირად ავტომობილის ფასს ეძებენ. საყოფაცხოვრებო ფასებით დაინტერესებულმა ვებგვერდმა "ფიქსერ კომმა" მსოფლიო რუკა იმის მიხედვით შეადგინა, თუ რის ფასს ეძებენ კონკრეტულ ქვეყანაში ყველაზე ხშირად.

ვებგვერდის მონაცემებით, რუსეთში ყველაზე ხშირად ინტერესდებიან, რა ღირს "მიგ"-ის წარმოების თვითმფრინავით ფრენა; ბრაზილიელებს თავიანთ ქვეყანაში პროსტიტუციის ფასები აინტერესებთ, კორეაში - რინოპლასტიკის ღირებულება, ჩინეთში კი - ელექტრომოწყობილობების.

ამავე მონაცემებით, ინდოელები და რიგი აფრიკული ქვეყნის მცხოვრებლები ძროხების ფასით ინტერესდებიან, სომხეთში - ხალიჩების, ამერიკაში - დაპატენტების, ავსტრალიაში კი ინ-ვიტრო განაყოფიერების ფასს ეძებენ.