"კრიტიკას ვერ უძლებს" - რა არ მოეწონა მიწისქვეშა გადასასვლელების დათვალიერებისას არჩეულ მერს?
თბილისის არჩეული მერი კახა კალაძე "თბილსერვის ჯგუფის" ხელმძღვანელ ლევან ჯღარკავას სთხოვს, მიწისქვეშა გადასასვლელების მოწესრიგება-დასუფთავება და მათი განათებით აღჭურვა დღეიდანვე დაიწყოს. კალაძემ დღეს ცირკისა და ზოოპარკის ტერიტორიაზე არსებული მიწისქვეშა გადასასვლელები დაათვალიერა და აღნიშნა, რომ სიტუაცია კრიტიკას ვერ უძლებს.