ლეგენდარულმა ფეხბურთელმა კრიშტიანუ რონალდუმ ნაკრების ავტობუსი გააჩერა, რათა ლეიკემიით დაავადებულ ბიჭუნას გზაზე ჩახუტებოდა. 11 წლის ედუარდო პლაკატით ხელში, რომელზეც ეწერა: "კრიშტიანუ, ჩამეხუტე", იდგა გზაზე, სადაც პორტუგალიის ნაკრების ავტობუსს უნდა გაევლო. ვარჯიშის შემდეგ პორტუგალიელი ფეხბურთელები ავტობუსით ბრუნდებოდნენ, რა დროსაც ვარსკვლავმა ბიჭუნა ფანჯრიდან შენიშნა. მან მძღოლს გაჩერება სთხოვა, ედუარდო ავტობუსში მიიპატიჟა და მასთან ფოტოც გადაიღო.