loader

ალექსანდრე ჩივაძე თანამედროვე ფეხბურთსა და საკუთარ კარიერაზე "ლელოს" რედაქციაში - პალიტრა ვიდეო

მთავარი ყველა ვიდეო საავტორო ტექნოლოგიები ახალი ამბები საზოგადოება შოუბიზნესი მოზაიკა სპორტი ვიდეოგაკვეთილები მსოფლიო მნიშვნელოვანი ინფორმაცია PALITRANEWS სხვადასხვა

ალექსანდრე ჩივაძე თანამედროვე ფეხბურთსა და საკუთარ კარიერაზე "ლელოს" რედაქციაში

"პალიტრა მედიაში" გაზეთ "ლელოს" ლეგენდარული ფეხბურთელი ალექსანდრე ჩივაძე ესტუმრა.

ალექსანდრე ჩივაძემ ის პერიოდი გაიხსენა, როდესაც აქტიური ფეხბურთით იყო დაკავებული და იმ წარმატებებზე ისაუბრა, რომელსაც კარიერის განმავლობაში მიაღწია.

ჩივაძე თანამედროვე ფეხბურთის პრობლემებსაც შეეხო და აღნიშნა, რომ, როდესაც საქართველოს ეროვნული ნაკრების მთავარი მწვრთნელი იყო, ფეხბურთელებს ყოველთვის მეტი აქტიურობისკენ მოუწოდებდა. მანვე აღნიშნა, რომ დღეს საქართველოში ფეხბურთელების მომზადება ვერ ხდება ისე, როგორც საჭიროა.

თბილისის "დინამოს" და საბჭოთა ნაკრების ყოფილი კაპიტანი ოლიმპიური თამაშების პრიზიორი და მსოფლიოს ჩემპიონატის ფინალური ეტაპის მონაწილე, ევროპის ქვეყნების თასის მფლობელთა თასის გათამაშებაში გამარჯვებული სპორტსმენია. ამასთან, ჩივაძე საბჭოთა კავშირის ჩემპიონი და ოთხგზის პრიზიორი, თასის ორგზის მფლობელი და ფინალისტი, სსრკ-ის 1980 წლის საუკეთესო ფეხბურთელია. ასევე - საქართველოს ეროვნული ნაკრების მთავარი მწვრთნელი 1993-1996 და 2001-2003 წლებში.

ამჟამად ალექსანდრე ჩივაძე საქართველოს 21-წლამდელთა ნაკრების დამრიგებელი, საქართველოს ფეხბურთის ფედერაციის ვიცე-პრეზიდენტი, სპორტის დამსახურებული ოსტატია.

ალექსანდრე ჩივაძესთან ინტერვიუს მკითხველი გაზეთ "ლელოს" ხვალინდელ ნომერში იხილავს.